MAKAKAHINGA NA NG MALUWAG ANG ISANG BABAE MAKARAAN SIYANG MA-ACQUIT SA KASONG PAGLABAG SA ANTI-BOUNCING CHECKS LAW.

SA DESISYONG ISINULAT NI SENIOR JUSTICE LEONARDO A. QUISUMBING, PINAWALANG-SALA NG KORTE SUPREMA SI VICKY MOSTER SA SALANG PAGLABAG SA BATAS PAMBANSA BILANG 22 (B.P. 22) O ANTI-BOUNCING CHECKS LAW.

INUTUSAN RIN NG KORTE SI MOSTER NA BAYARAN ANG NAGREREKLAMONG SI ADRIANA PRESAS NG HALAGANG TATLONG DAAN, ANIMNAPU’T PITONG LIBO, ANIM NA RAAN AT DALAWANG PISO (Php367,602) NA HALAGA NG TATLONG (3) TALBOG NA TSEKENG INISYU NIYA RITO NOONG 1995 BILANG KABAYARAN SA UTANG NA APAT NG RAAN LIMAMPUNG LIBONG PISO (Php450,000). DAGDAG PA RITO ANG MGA KAUKULAG INTERES.

AYON SA KORTE SUPREMA, ANG KABIGUAN NG PROSEKUSYON NA PATUNAYANG NAKATANGGAP NG NOTICE OF DISHONOR SI MOSTER AT BINIGYAN SIYA NG LIMANG (5) ARAW UPANG AYUSIN ANG KANYANG PAGKAKAUTANG AY SAPAT NANG DAHILAN PARA SIYA MAPAWALANG-SALA.

SA KASONG ITO, TANGING ANG KOPYA NG DEMAND LETTER NI PRESAS AT ANG REGISTRY RETURN CARD ANG INIHARAP NA EBIDENSIYA NG PROSEKUSYON. NI WALANG PATUNAY O PAGKILALA SA LAGDA SA RETURN CARD, MALIBAN SA HINDI MABASANG PIRMA NA EBIDENSIYANG MAYROONG NAKATANGGAP NG NASABING SULAT.

KAPAG WALANG SAPAT NA EBIDENSIYA NA NAKATANGGAP NG NOTICE OF DISHONOR, GAYA SA KASONG ITO, HINDI MAAARING SABIHIN NA ALAM NI MOSTER NA WALANG SAPAT NG PONDO ANG INISYUNG MGA TSEKE, DAGDAG NG KORTE SUPREMA.

UMUTANG NOON NI MOSTER KAY PRESAS KUNG SAAN NAGBIGAY ITO NG TATLONG (3) TSEKE BILANG KABAYARAN. AYON KAY PRESAS, SA KABILA NG DEMAND AT SULAR MULA SA KANYANG ABOGADO, HINDI BINAYARAN NI MOSTER ANG HALAGA NG TATLONG (3) TSEKE. (G.R. No. 167461, Moster v. People, Feb. 19, 2008)