PINAGMULTA NG KORTE SUPREMA ANG ISANG RETIRADONG HUWES NG DALAWAMPUNG LIBONG PISO (PhP20,000) MAKARAAN MAPATUNAYANG GUILTY OF UNDUE DELAY IN THE DISPOSAL OF CASES AT PAGTAGO NG RECORDS NG MGA KASO.
SA DESISYONG ISINULAT NI JUSTICE MINITA V. CHICO-NAZARIO, SINABI NG KORTE SUPREMA NA NILABAG NI JUDGE ROMULO CARTECIANO, DATING PRESIDING JUDGE NG MUNICIPAL TRIAL COURT O M-T-C, LOS BAÑOS, LAGUNA, ANG RULE 3.05 NG CANON 3 NG CODE OF JUDICIAL CONDUCT NANG PUMALYA ANG HUWES NA AKSYUNAN ANG DALAWANG (2) CIVIL CASE NA NAKABINBIN NOON SA KANYANG SALA.
PINAGRABE PA ANG INEFFICIENCY AT KAPABAYAAN SA TUNGKULIN NI JUDGE CARTECIANO NANG INALIS NIYA MULA SA KORTE ANG MGA RECORD NG KASO AT PAGSAULI SA MGA ITO ANIM (6) NA TAON MULA NOONG ITO’Y MAGRETIRO NOONG AGOSTO 2000.
AYON SA SECTION 14, RULE 136 NG RULES OF COURT, WALANG RECORD NA MAAARING KUNIN MULA SA OPISINA NG CLERK OF COURT NANG WALANG UTOS MULA SA KORTE MALIBAN KUNG MAY MGA PROBISYON SA NASABING RULES OF COURT NA NAGPAPAHINTULOT NITO.
NAG-UGAT ANG KASO NANG SUMULAT SA OFFICE OF THE COURT ADMINSTRATOR SI JUDGE KATHERINE GO, KASALUKUYANG PRESIDING JUDGE NG NATURANG M-T-C, NA SA IMBENTARYONG GINAWA SA KANYANG SALA, LUMALABAS NA MAYROON PANG RECORDS NG MGA KASO, KABILANG ANG DALAWANG (2) CIVIL CASE NA NASA PANGANGALAGA PA RIN NI JUDGE CARTECIANO.
AYON SA IMBESTIGASYON, ANG HULING HEARING SA MGA KASO AY GINANAP NOONG ABRIL 8, 1992 HINGGIL SA MOTION FOR ISSUANCE OF A WRIT OF INJUNCTION. PERO MULA NOON HANGGANG NANG MAG-RETIRO SIYA, WALA NANG IBANG NAGING AKSYON SI JUDGE CARTECIANO SA MGA KASONG ITO.
SA PAGPATAW NG MAS MABABANG PENALTY KAY JUDGE CARTECIANO, ISINAALANG-ALANG NG KORTE SUPREMA NA DALAWA LAMANG ANG BILANG NG MGA KASONG BININBIN NI CARTECIANO. BUKOD DITO, SA HALOS LABING PITONG (17) TAON NIYANG SERBISYO SA HUDIKATURA, ISANG BESES PA LAMANG SIYANG NAPAPARUSAHAN. KINUNSIDERA RIN ANG PAGKABULAG NIYA SA KANANG MATA AT PARTIAL BLINDNESS SA KALIWANG MATA, KANYANG HYPERTENSION, PROBLEMA O KARAMDAMAN SA PROSTATE, AT KANYANG MATAGAL NANG PAGKAKA-RETIRO MULA SA SERBISYO.
SABI NG KORTE SUPREMA, KUNG ALAM NAMAN NI JUDGE CARTECIANO NA MAGIGING HADLANG ANG ADDITIONAL ASSIGNMENTS O ANG KANYANG KALUSUGAN SA MABILIS NA PAG-AKSYON SA MGA KASO AY MAAARI NAMANG HUMINGI SIYA NG PALUGIT SA PAGDE-DESISYON SA MGA KASO. (A.M. No. MTJ-07-1664, Re: Administrative Matter No. 05-8-244-MTC (records of cases which remained in the custody of Retired Judge Romulo G. Carteciano, Municipal Trial Court, Los Baños, Laguna, Feb. 18, 2008)
