SA KALABOSO ANG BAGSAK NG ISANG TIYUHIN MAKARAAN MAPATUNAYANG GUILTY BEYOND REASONABLE DOUBT OF TWO COUNTS OF STATUTORY RAPE DAHIL SA PANGHAHALAY SA KANYANG NOON AY WALONG (8) TAONG GULANG NA PAMANGKIN.
SA DESISYONG ISINULAT NI JUSTICE DANTE O. TINGA, INAYUNAN NG KORTE SUPREMA ANG NAUNANG DESISYON NG COURT OF APPEALS NA NAGPATAW NG PARUSANG RECLUSION PERPETUA O DALAWAMPUNG TAON (20) AT ISANG (1) ARAW HANGGANG APATNAPUNG (40) TAON PAGKAKULONG SA BAWAT ISA SA DALAWANG COUNTS NG RAPE KAY ROLANDO ZAMORAGA, TIYUHIN NG BIKTIMANG SI AAA.
INUTUSAN RIN NG KORTE SUPREMA SI ZAMORAGA NA BAYARAN SI AAA NG ISANG DAAN AT DALAWAMPU’T LIMANG LIBONG PISO (PhP125,000) BILANG CIVIL INDEMNITY, MORAL DAMAGES, AT EXEMPLARY DAMAGES.
AYON SA TESTIMONYA NI AAA, GABI NOONG JUNE 1996 NANG MAGANAP ANG UNANG INSIDENTE NG PANGHAHALAY SA KANYA NI ZAMORAGA. ILANG ULIT SIYANG NILAPASTANGAN NI ZAMORAGA. NAGANAP ANG HULING INSIDENTE NG PANGHAHALAY NOONG NOBYEMBRE 1997.
INIHARAP NI ZAMORAGA SA KORTE BILANG DEPENSA ANG ISYU HINGGIL SA PAGKAKAMALI NG TRIAL COURT SA PAGPAPATUNAY NG KANYANG GUILT BEYOND REASONABLE DOUBT.
KINWESTYON NI ZAMORAGA ANG KREDIBILIDAD NG TESTIMONYA NI AAA AT SINABING POSIBLENG TINURUAN LANG ITO NG INA NITO NG MGA SASABIHIN PARA MAKABAWI ANG AMA NI AAA SA HIDWAAN SA PAGITAN NILANG DALAWA.
PERO AYON SA KORTE SUPREMA, KAPANI-PANIWALA ANG SALAYSAY NI AAA AT WALANG INDIKASYON NA MAY KADUDA-DUDA SA TESTIMONYA NITO.
SABI NG KORTE SUPREMA, BAGAMA’T NAGHATAG NG ALIBI SI ZAMORAGA AT SINABING IMPOSIBLE PARA SA KANYA ANG MAGAWA ANG KRIMEN DAHIL NAGTATRABAHO SIYA SA MALALAYONG LUGAR, HINDI NAMAN NIYA O MAGING NG KANYANG TESTIGO NA LOLA NI AAA NAITANGGI NA ANG LUGAR KUNG SAAN SIYA NAKATIRA AT ANG LUGAR KUNG SAAN NAGANAP ANG MGA PANGHAHALAY AY MAY DALAWA (2) HANGGANG TATLONG (3) KILOMETRO LANG ANG PAGITAN.
SA PAGBASURA NG KORTE SUPREMA SA DEPENSA NI ZAMORAGA, SINABI NITONG BIGO SI ZAMORAGA AT ANG DEPENSA NA PATUNAYANG IMPOSIBLE PARA SA KANYA NA NASA LUGAR AT ORAS NG KRIMEN KAYA HINDI MAAARING MANGIBABAW ANG PAGTANGGI AT PALUSOT NI ZAMORAGA SA POSITIBONG PAGKILALA SA KANYA NI AAA. (G.R.No. 178066, People v. Zamoraga, Feb. 6, 2008)
