DAHIL SA PALYADONG EBIDENSYA NG MGA PULIS, ABSWELTO ANG ISANG AKUSADO NG PAGBEBENTA NG SHABU MULA SA PAGLABAG SA R.A. 6425 O DANGEROUS DRUGS ACT. PALPAK ANG TESTIMONYA NG MGA PULIS TUNGKOL SA HALOS ISANDAANG (100) GRAMONG SHABUNG NAGKAKAHALAGA NG ISANDAANG LIBONG PISO (Php 100,000.00) NA UMANO AY NAKUMPISKA NILA MULA SA AKUSADO.

INIUTOS DIN NG KORTE NA PAWALAN NA SA BILANGGUAN SI ZARRAGA MALIBAN NA LANG KUNG DAPAT PA ITONG IKULONG DAHIL SA IBANG OPENSA. AYON SA DESISYON NG KORTE, HINDI SAPAT ANG LINAW NG EBIDENSYA NG PROSEKUSYON LABAN SA AKUSADONG SI SONNY ZARRAGA KAYA DAPAT LANG NA IPA-WALANG-SALA ITO.

SALI-SALIWA KASI ANG BERSYON NG MGA PULIS TUNGKOL SA PAGHAWAK NG EBIDENSYA KAYA NAMAN HINDI MALINAW KUNG TALAGANG MAY SHABUNG NAHULI MULA KAY ZARRAGA. SINABI NG KORTE NA KADUDA-DUDA KUNG ANG SHABUNG SINUMITE NG MGA PULIS SA P-N-P CRIME LABORATORY AY ANG SHABUNG NAKUMPISKA MULA KAY ZARRAGA AT SA KASAMA NITONG SI ALVIN JOSE SA ISANG BUY-BUST OPERATION. KAYA NAMAN KADUDA-DUDA RIN KUNG TALAGANG GUILTY SI ZARRAGA SA NATURANG OPENSA.

SINABI RIN NG KORTE NA HINDI SINUNOD NG MGA PULIS ANG STANDARD OPERATING PROCEDURE SA PAGMARKA NG MGA NAKUMPISKANG EPEKTOS MATAPOS HULIHIN ANG AKUSADO.

WALA RING IMBENTARYONG NG MGA EBIDENSYA NA UMANO AY NAKALAP NG NASABING BUY-BUST TEAM.

NOONG 1995, SINAMPAHAN NG KASONG PAGLABAG SA DANGEROUS DRUGS ACT SINA ZARRAGA AT SA KASAMA NITONG SI JOSE SA REGIONAL TRIAL COURT NG CALAMBA, LAGUNA, MATAPOS SILANG MAHULI SA AKTO NG PAGBEBENTA NG SHABU. (GR No. 162064, Zarraga v. People, March 14, 2005)