DINISMIS NG KORTE SUPREMA ANG PETITION FOR HABEAS CORPUS NA INIHAIN NG STANDARD CHARTERED BANK LABAN KAY MAJOR GENERAL JOSE BALAJADIA, JUNIOR, SERGEANT-AT-ARMS NG SENADO.

AYON SA RESOLUSYON NG KORTE, PASO NA O MOOT AND ACADEMIC ANG NATURANG PETISYON NA INIHAIN NOONG MARSO KINSE (15) TAONG 2005 DAHIL PINALAYA NAMAN NA SILA ANIM NA ORAS MATAPOS SILANG IDITINE SA SENADO.

BINIGYANG-DIIN NG KORTE NA ANG WRIT OF HABEAS CORPUS AY GINAGAMIT LAMANG PARA KWESTIYUNIN AT ALAMIN ANG DAHILAN SA PAGKULONG O PAGPIGIL SA KALAYAAN NG ISANG TAO AT PARA PALAYAIN O PAKAWALAN SAKALING ILIGAL ANG PAGPIGIL SA KALAYAAN NIYA.

MATATANDAANG GANAP NA ALAS DIES Y MEDIA NG UMAGA NOONG MARSO 15, 2005 NANG IPATAWAG NG SENADO ANG MGA OPISYAL NG STANDARD CHARTERED DAHIL SA UMANO’Y ILIGAL NA PAGBEBENTA NG MGA HINDI REHISTRADO AT HIGH RISK SECURITIES NG NATURANG BANGKO.

SA PAGDINIG NA IYON, IPINIRISINTA NG ABOGADO NG STANDARD CHARTERED ANG PETITION FOR PROHIBITION NA INIHAIN NILA SA KORTE SUPREMA UPANG IPAHINTO NG KORTE SA SENADO ANG NATURANG SENATE HEARING.

NASASAAD SA PETISYON ANG MGA KATAGANG “IN AID OF COLLECTION” NA PABOR DAW SA MGA NALUGING KLIYENTE NG STANDARD CHARTERED ANG IMBESTIGASYON NA GINAGAWA NG SENADO.

DAHIL SA REKLAMO NI SENADOR JUAN PONCE ENRILE, INUTOS NI SENADOR EDGARDO ANGARA NA IDITINE NI BALAJADIA SINA SIMON MORRIS AT IBA PANG OPISYALES AT ABOGADO NG STANDARD CHARTERED SA ISANG KWARTO SA SENADO NG ANIM NA ORAS DAHIL SA INDIRECT CONTEMPT. (G.R. No. 167211, In the Matter of the Petition for Habeas Corpus of Atty. Fernando Arguelles, Jr. vs. Maj. Gen. Jose Balajadia, Jr., March 14, 2006)