MULTANG DALAWAMPU’T ISANG LIBONG PISO (Php21,000) ANG PARUSA KAY JUDGE ROGACIANO RIVERA NG STA. CATALINA, NEGROS ORIENTAL MUNICIPAL TRIAL COURT DAHIL SA PAGPAPAMALAS NG MATINDING KAMANGMANGAN SA MGA PAMAMARAAN NG BATAS.

SI JUDGE RIVERA AY INIREKLAMO DAHIL SA KAKUPARAN NITO SA PAGRESOLBA SA KASONG PANGGAGAHASA NA ISINAMPA NG MENOR DE EDAD NA SI NANCY SILFABAN LABAN SA ISANG RODERICK SALES. MAHIGIT ISANG TAON MATAPOS ISAMPA NI SILFABAN ANG REKLAMO AT ISANG TAON MATAPOS ANG PRELIMINARY INVESTIGATION DITO, HINDI PA RIN NAIPADALA NG HUWES ANG KANYANG MGA RESOLUSYON SA OPISINA NG PANLALAWIGANG TAGA-USIG O PROVINCIAL PROSECUTOR. SAMPUNG (10) ARAW LAMANG ANG ITINATADHANA NG BATAS UPANG MAIPADALA NG ISANG HUWES ANG KANYANG RESOLUSYON SA TANGGAPAN NG PROVINCIAL PROSECUTOR.

DAGDAG PA DITO ANG KAHIHIYANG INABOT NI SILFABAN NANG PAHINTULUTAN NG HUWES NA MANOOD ANG PUBLIKO SA PAGDINIG SA KASO AT SA PAG-CROSS EXAMINE SA BIKTIMA SA PANAHON NG PRELIMINARY INVESTIGATION, NA PAWANG IPINAGBABAWAL NG BATAS.

AYON SA KORTE SUPREMA, MALINAW NA NILABAG NI JUDGE RIVERA ANG MGA ALITUNTUNIN NG BATAS GAYONG NAPAKASIMPLE NG MGA ITO NA DAPAT NALALAMAN NG ISANG HUWES. (A.M. No. MTJ-06-1619, Jesusa Odonel Genil vs. Judge Rogaciano Y. Rivera, Municipal Trial Court, Sta. Catalina, Negros Oriental, January 23, 2006)